تسعدنا مشاركتك لنا بكل ماتملك من هوايات او برامج او غيرها سواء كانت من ابداعاتك او منقولة
 
الرئيسيةاليوميةالبوابةس .و .جالأعضاءالمجموعاتبحـثالتسجيلدخول

شاطر | 
 

 رباعيات جاهين

اذهب الى الأسفل 
كاتب الموضوعرسالة
anuoshvip
Admin
Admin
avatar

عدد الرسائل : 179
تاريخ التسجيل : 30/01/2008

مُساهمةموضوع: رباعيات جاهين   الأحد مارس 30, 2008 8:09 pm





خرج ابن آدم من العدم قلت: ياه
رجع ابن آدم للعدم قلت: ياه
تراب بيحيا.. وحي بيصير تراب
الأصل هو الموت ولاّ الحياه؟

عجبي
*******
ضريح رخام فيه السعيد اندفن
وحفره فيها الشريد من غير كفن
مرّيت عليهم.. قلت ياللعجب
الاتنين ريحتهم لها نفس العفن
عجبي
*******
ياما صادفت صحاب وماصاحبتهمش
وكاسات خمور وشراب وما شربتهمش
أندم على الفرص اللي انا سبتهم
ولاّ على الفرص اللي ما سبتهمش
عجبي
*******
الكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود

عجبي
*******
أنا شاب لكن عمري ألف عام
وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي
*******
ياباب يامقفول.. إمتى الدخول
صبرت ياما واللي يصبر ينول
دقيت سنين.. والرد يرجع لي: مين؟
لو كنت عارف مين أنا كنت أقول

عجبي
*******
أحب أعيش ولو في الغابات
أصحى كما ولدتني أمي وابات
طائر.. حيوان.. حشرة.. بشر.. بس أعيش
محلا الحياة.. حتى في هيئة نبات

عجبي
*******
سهير ليالي وياما لفيت وطفت
و فـ ليه راجع في الضلام قمت شفت
الخوف.. كأنه كلب سد الطريق
و كنت عاوز أقتله.. بس خفت
عجبي
*******
رقبة قزازة وقلبي فيها انحشر
شربت كاس واتنين وخامس عشر
صاحبت ناس مـ الخمرة ترجع وحوش
وصاحبت ناس مـ الخمرة ترجع بشر

عجبي
*******
ليه يا حبيبتي ما بينّا دايما سفر
ده البعد ذنب كبير لا يغتفر
ليه يا حبيبتي ما بينّا دايما بحور
أعدّي بحر.. ألاقي غيره اتحفر
عجبي
*******

_________________
امضــــاء وتوقيــع:-
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nanacats.yoo7.com
 
رباعيات جاهين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابداعــات :: الحــــب الرومانسيـــة :: كلمــات وعبــارات-
انتقل الى: